(नेपाली ! नेपालको माया छ कि छैन ? ) ३
धेरै खेलेउ नेपालको तिमी छातिमाझ
तिम्रो छाती माथि पनि...... नेपाल छ कि छैन ?
नेपाली ! नेपालको माया छ कि छैन ?
(हाम्रा पुर्खा सतलजदेखि टिस्टा सम्म हाँक्ने, ) २
हामी किन बाँच्नलाई अरूको मुख ताक्ने ?
हाम्रा पुर्खा सतलजदेखि टिस्टा सम्म हाँक्ने,
हामी किन बाँच्नलाई अरूको मुख ताक्ने ?
(पानी बिनै बाँच्न सक्ने हाम्रा बैनी-आमा,)२
आज छोरी लाज नबेच् , एक घुट्मा दिई आमा...
नेपाली ! नेपालको माया छ कि छैन ?
(त्यै पुर्खाको दुई-चार थोपा रगत छ कि छैन ?)२
काँधमा हिमाल बोकी उठ्ने, तागत छ कि छैन ?
नेपाली ! नेपालको माया छ कि छैन ?
(सारा नेपाल नेपालीलाई छायाँ दिन सक्ने,)२
पृथिवीको जत्रो तिम्रो छाती छ कि छैन ?
सारा नेपाल नेपालीलाई छायाँ दिन सक्ने,
पृथिवीको जत्रो तिम्रो छाती छ कि छैन ?
(देशको निम्ति मात्रै लड्ने खुँडा र खुकुरी...)२
खिया पर्यो, उचाल्न सक्ने हात छ कि छैन ?
नेपाली ! नेपालको माया छ कि छैन ?
(शुक्र, धर्म, दशरथ चन्द र गंगालालको जस्तो.....)२
हाँस्दै बलि चढ्न सक्ने.... शिर छ कि छैन ??
नेपाली ! नेपालको माया छ कि छैन ?
धेरै खेलेउ नेपालको तिमी छातिमाझ
तिम्रो छाती माथि पनि...... नेपाल छ कि छैन ?
नेपाली ! नेपालको माया छ कि छैन ?
माया छ कि छैन ?
माया छ कि छैन ?
WATCH THIS SONG IN YOUTUBE
No comments:
Post a Comment